Podcast

Melillako hesian izandako sarraskia salatzeko elgarretaratzea deitu du Harrera Sareak Irunen

Anaitze Agirre Larreta, Harrera Sareko eta SOS Arrazakeriako kidea


Melillako hesian izandako sarraskia salatzeko elgarretaratzea deitu du Harrera Sareak Irunen

Irungo Harrera Sareak elgarretaratzea deitu du astelehen honetan 18:30etan San Juan plazan. Joan den ostiralean Melillako hesian emandako sarraskiaren aurrean poliziaren jarduna salatzeko. "Gobernatzen gaituztenen ekintza hiltzaileen aurrean, elkartasuna eta harrera" delako erantzuna, "eta ez dagoelako baliorik ez duen bizitzarik".  

Caminando Fronteras GKEaren arabera, gutxienez 37 hildako lirateke osztiralean hesian izandako gertakarien ondorioz. Aldiz, Marokok gaur 20 hildako izenik gabe lurperatzeko agindu du Nadorreko mugako herrian.

Nolanahi ere, "edozein estatu lotsatzeko moduko irudiak" ikusi ditugu egunotan. Eta Espainiako presidente Pedro Sanchezek marokoar gendarmeen lana eredugarritzat jo duen bitartean, Anaitze Agirre Larreta, Harrera Sareko eta SOS Arrazakeriako kideak argitu du "bizitza hobeago baten bila datorren jendeari lagundu behar diogula gure egoera pribilegiatutik". Estatuen biolentzia honen aurrean, "migrazio politiken diskurtso eta marko perbersoak" salatzeko deia egin du. Izan ere, "pixkanaka sarraskia disimulorik gabea eta kualitatiboki zein kuantitatiboki ere emendatzen doala" oroitarazi du, eta horrek esan nahi du bizitza batzuk ezer ez dutela balio agintarientzat.

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika