Podcast

Migratzaileenganako "biolentziak" ezagutzeko Euskal Herri osoko ikasleen bisitek ez dute etenik

Peio Perez, Bilboko Errekalde Berri Institutuko irakaslea


Migratzaileenganako "biolentziak" ezagutzeko Euskal Herri osoko ikasleen bisitek ez dute etenik

"Gehiago ikasten ahal da errealitate gordinak bertatik-bertara ezagutuaz, klase formaletan baino". Hori ongi dakite Errekalde Berri Institutoko irakasleek, eta horregatik, atzerritar jatorri portzentaia handia duen auzo batetik etorri dira Bidasoaren bazter honetara, trantsitozko migratzaileen errealitatea ezagutzera.

Azken asteotan San Vicente de Paul bezalako bertako zenbait ikastetxeetara Irungo Harrera Sareak hitzaldiak ematera joan bada ere, hamaika ikasle talderen bisitak jaso dituzte ikasturte honetan plazan bertan. Hernani, Hendaia, Bera, Iruñea edota, joan den astean bertan, Baionako Bernat Etxepare Lizeoko ikasleen bisita izan zuten. Migrazio fenomenoak gure eskualdean bizi dituen estatuen menpeko mugak eta kontrol arrazialak, eta migratzaileak bide arriskutsuagoak hartzera behartzen dituzten "Europa barneko mugen problematika eta estatuen politiken atzean dagoen biolentzia guztia" ezagutzeko helburuarekin datoz.

Gaurkoan Bilboko Errekalde Berri Institutuko ikasleen bisita jaso dute. Irun eta Hendaia arteko muga Euskotrenez, eta ondoren, Hendaiatik Hondarribira txalupaz zeharkatu ahal izan dute "inolako arazorik gabe". Baina zur eta lur utzi ditu ikusteak, nola frantses poliziak migratzaileak geltokian bertan gelditzen zituzten. "Puri-purian dagoen errealitate hau klase formaletik kanpo ezagutzea ezinbestekoa" dela nabarmendu digu Peio Perez irakasleak. Bere ustetan, "elkartasunak eta ezagutzak" bakarrik konpondu edo arindu dezake egoera.

 

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika