Podcast

Muga harresi bilakatuta, Bidasoak odola dario

Josune Mendigutxia, Irungo Harrera Sareko kidea


Muga harresi bilakatuta, Bidasoak odola dario

Elgarretaratze jendetsua izan zen atzo eguerdian Irungo San Juan Plazan, larunbata goizean Behobia-Pausuko zubi aldamenean Bidasoa ibaian Guardia Zibilak aurkitutako Abderraman Bas 25 urteko ginearraren heriotza salatzeko. Azken honekin 9 dira dagoeneko Bidasoako mugan "polizia kontrol arrazialak gainditu nahian" bizia galdu duten migranteak 2021eko apirilaz geroztik.

Irungo Harrera Sareak gogor salatu du azken asteetan polizia frantsesak zorroztu dituen kontrolak. "Egunotan zenbait migrantek bospasei aldiz saiatu dira, eta atzera bota dituzte", dio Josune Mendigutxiak, "Gurutze Gorriko aterpetxean gehienez hiru gau egin dezaketela kontuan hartuta, kale gorrian geratzeko arriskuan, bide okerrak hartzera behartuak ikusten dute euren burua".

Korridore humanitarioak

Harrera Sareak egunero San Juan plazan duen informazio gunetik 8.200 migrante baino gehiago lagundu zituzten iaz. Eta 22.000 lagun baino gehiago dira 2018az geroztik. "Honek ez du etenik izango, eta mugako kontrolak horrela segituz gero, tamalez, ez da azken biktima izango", kexu da Harrera Sareko kidea.

Atzoko elgarretaratzean irakurri zuten manifestuan, migranteak libre mugitu ahal izateko "korridore humanitarioak" ireki ditzaten eskatu zuten beste behin ere. Hori frantses estatuaren esku dago une honetan, eta horregatik ere, Eusko Jaurlaritzak bere diskurtsoa gogortu egin du asteburu honetan emandako gertakariaren harira. Halere, "hemendik gehiago egin daitekeela" uste dute Harrera Sareko kideek. Ukrainar errefuxatuekin egin izan den bezala, borondatea dagoenean, egiten ahal dela erakutsi dutelakoan baitira.

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika