Podcast

Mugalariak barra-barra ari direlako kezka agertu du Harrera Sareak (2021-03-26 15:07:20)

Mugalariak barra-barra ari direlako kezka agertu du Harrera Sareak

Saran gizon bat atxilotu dute migranteen mugalari lanetan aritzea leporatuta. Gaur jakin izan da asteazkenean harrapatu zuela frantses poliziak, eta etorkinak Bidasoaz gaindi pasatzeko hogei bidaia egotzi dizkiote. Autoan lau pertsona zeramatzala atxilotu, eta eraman zuten preso 53 urteko gizona. Polizia frantsesak jakitera eman duenez, migrante bakoitzari 700 euro inguru kobratzen zion Beratik muga pasa eta Paris aldera edo Belgikara eramateagatik. Poliziak dio 30.000 euro irabazi dituela mugalari edo pasanteak lan horrekin. Behin-behinean preso eraman dute Baionara, eta apirilaren 29an epaituko dute.

Heldu ahala badoaz gehienak 

Bat harrapatu dute. Baina Irungo Harrera Sarea kezkaturik agertu da, berez, berria ez den mugalarien errealitatea areagotzen ari delako. Izan ere, azken bi asteetan gutxienez 300 migrante heldu izan dira Irunera. Baina atzo 41 lagunek baizik ez zuten aterpe hartu Irungo Arretxe Gaina eta Erromesen egoitzetan. Gehienak, heldu ahala badoaz beraz.

Dirurik ez dutenek, Bidasoa igerian trebeskatzen saiatzen dira, "euren bizitza arriskuan jarriz, eta mugalari baten laguntza ordaindu dezaketenek, egiten dute". Irungo Gurutze Gorriaren aterpetxearen kanpoaldean bertan jasotzen omen dituzte pasante edo mugalariek.

Bestalde, Irun-Hendaia eta Irun eta Urruñako Pausuko zubietatik nekez zeharkatu dezaketenez 24 oreneko kontrolen ondorioz, azken egunetan migrante anitz Bortzirietara jotzen dutela ohartarazi dute. Endarlatsatik haratago joaterik ez badago ere, muga guzien gaindi bidaia jarraitzea baitute helburu bakarra. 

Azken berriak

'Kutxa bira'-ri ongi etorria eginen zaio gaur arratsaldean Beran

Hendaiak hizkuntza politika definitzeko esperientzia pilotuan aintzindari da

Burua altxatzeko eta erreferenduma irudikatzeko dinamika mobilizatzailea deitu du Gure Eskuk

Pandemiaren oztopo guzien gainetik, ilusioa berpizteko sinadura bilketa abiatzen du Irungo Gure Eskuk larunbatean

"Euskaraz bizi nahi duen herri libre bat" aldarrikatzen duen kutxa hilaren 20ean helduko da Irunera

Hondarribiako Udalak, baserritarrek eta ostalariek indarrak bildu dituzte Bertako Produktuaren V. Astean

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika