Podcast

Marga Zinkunegi, Elatzeta Ikastetxeko zuzendaria (2021-10-12 14:49:01)

Natura txikitatik maitatzen duenak, heldutan zainduko du (2021-10-12 14:36:44)

Natura txikitatik maitatzen duenak, heldutan zainduko du

Ideia horrekin lan egiten dute Txingudiko Zerbitzuak eta Irun-Hondarribiko ikastetxeek urteroko Ingurumen Heziketa programak garatzerakoan. Zientzia-jolasean naturaren magia deskubritu eta ingurumenaren zaintza txikitatik ikasten den zerbait dela argi dute. Eta Txingudko Zerbitzuak-etik badira zenbait urte, adinaren arabera egokitutako saioak eta erronkak proposatzen dizkietela. Eta pandemia atzean uzten hasia dugula, itzuli dira aurrez-aurreko formakuntzak egitera.

Leire Zubitur, Txinzerreko kudeatzaileak azaldu digunez, autokonpostaje Zisare programa ez ezik, uraren zikloa, hondakinen gutxitzearen beharra edota kontsumo arduratsua bultzatzeko helburuak dituzten programak bururaino eraman ohi dituzte.

Landetxan hondakinak ongarri 

Elatzeta ikastetxean, adibidez, LH 5 eta LH 6 mailatako ikasleak Zisare programa lantzen ari dira. Eskualdeko beste zazpi ikastetxeetan bezala, jangelako eta ikasleen hamaiketakoen hondakin organikoak ongarri bilakatzeko autokonpostaje proiektua garatzen dute, jolas garaietan, bolondreski. Urtean kilo bat hondakin konpostatzen dute ikasle bakoitzeko. Marga Zinkunegi, ikastetxeko zuzendariak argitu digunez, ikastetxeko ikasketa programan txertatua dute naturaren zaintza presente egoteko garrantzia, eta hau praktikaren bidez lantzea. Autokonpostajearen kasuan, batzuk bildu eta beste batzuk laborategian aztertu egiten dituzten bitartean, beste maila batzuetan baratza lantzen dute ongarri horrekin. “Oiloak ere baditugu ikastetxeko belardian, eta txikienek elikatzen dituzten bitartean, beste batzuk arraultzak inkubagailuan zaintzen dituzte txitoak sortu arte”, argitzen du, horrela prozesua modu kolektiboan eramaten dute, eta haurrak beren adinari egokitutako ikasgaia ateratzen dute.

Landetxako Elatzeta ikastetxean izan gara bisitan, haur eta irakasleekin. 

Azken berriak

Indartzen doan beganismoaren irudiko izango da asteburuan ‘Be Veggie’ azoka Ficoban

Wallmapu elkarteak Elias Garay maputxearen erailketa salatzeko elgarreratzea deitu du Irunen

Irundarren eta migranteen premiak begiz jota ditu EH Bilduk 2022rako

Irun gabonetako hiriburu bilakatzeko eginahaletan

Agian Zu Ere Atzegizalea Zara eta Ez Dakizu

Egunero denda batean opari banarekin prestatuko dute ‘Gabonaldia Hondarribian’



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika