Nazioarteko Bake Konferentzia deitu dute, mundu mailako 5 eragilek heldu den astelehenerako, urriak 17. Euskal Herriko gatazka konpontze asmoz sortu zen Elkarri erakundeak aurkezturik, horren berri eman dute gaur Aieteko Bakearen jauregian. Larunbatean jakingo da, nazioarteko zein lider politikok parte hartuko duen hitzorduan eta euskal sindikatu zein alderdi politikoek, ostiral arteko epea dute ekarpen eta gogoetak emateko. Jonathan Powell, Britainia Handiko gobernuaren ordezkari izan zenak Irlandako negoziaketetan, bere esperientziaren berri eman du goizean.