Podcast

Neskak ahalduntzeko pala baliatu nahi du Emekik (2021-09-23 11:29:27)

Neskak ahalduntzeko pala baliatu nahi du Emekik

Eskola Kirola programarekin bezala, Hondarribiko eskolartekoek, eta bereziki neskek, palan aritzeko aukera ukan dezaten helburu du Emeki emakumeen elkarteak. Egunotan herriko eskoletara bisitak egingo dituzte aukera horren berri emateko, eta zaletasuna biziarazteko.

Gipuzkoako Foru Aldundiaren dirulaguntzari esker, hainbat ekimen barnebiltzen dituen proiektua dute eskuartean. Eta 90. hamarkadako Soroetako emakumeen pala txapelketak berreskuratu ondotik, (jaietan ere antolatu duzute Bizi Bixi pala txapelketa azkarra) antolatu dute, orain 'Eman Pelotari' jaialdia antolatu dute ostirala eta larunbata honetarako.

Larunbatean goizeko 10:00etan eman dute hitzordua Jostaldin, pala probatu eta hainbat jokalarien arteko erakustaldiarekin. Eta gogoetarako ere emango dute, ostiralean (irailak 24) 19:00etan Kultur Etxean Maider Mendizabalek emango duten "Emakume pilotarien historia"ri buruzko hitzaldiarekin.

Nobedadeak ikastaroetan  

Bestalde, ikasturte berri honetan ere, Puntaleko Eskola Zaharreko egoitzan ohiko tailerrak proposatuko dituzte: yoga, eskulanak, euskal dantza, punto-trikota etabar… Eta nobedade gisa, "pandemiak eragin duen teknologia berrien, sare sozialen eta komunikatzeko aplikazio berrien erabiltzeko beharra ikusita", urritik aurrera honetan trebetasunak lortzeko ikastaroa izango dela iragarri digu Tamara Sastrek, elkarteko kideak.

Informazio guztia sare sozialetan ez ezik, Emekiko sarreran jarriko dute afitxatua. 

Azken berriak

Justizia eta erreparazioa helburu, momentuz memoria biltzeko lanetan martxa onena ari dira Irunen

Pantailak Euskaraz: “Streaming plataformetan euskararen presentzia hutsaren hurrengoa da”

Mendelun emandako hitza jan dute berriz ere, bidegorria eta auzoa bizigarri egiteko konpromisoekin

San Juan baleontziaren proiektua hizpide Hendaia Baleakeko Solasaldietan

Geltoki auzoa biziarazteko akuilu lanetan inflexio puntuan da Borderline Fabrika

Muxukoaren kontra eserialdia eta planto egingo dute eskoletan

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika