Podcast

Oiasso Erromatar Museoak 7.000 bisitari berreskuratu ditu 2021ean (2022-01-12 14:45:02)

Jokin Lanz, Oiasso Museoko jardueretako arduraduna


Oiasso Erromatar Museoak 7.000 bisitari berreskuratu ditu 2021ean

2020ean zenbait hilabetez museoa itxita egon ondoan, pandemiaren ondorioz ere denak izan ditu mugak Oiasso Erromatar Museoak ohiko jarduera berreskuratzeko. Hala eta guztiz ere, iaz eginahaletan aritu dira kultur agenda indartu eta bisitariak erakarri nahian. Eta pandemia aurreko datuetara heltzen ez bada ere, 2021ean 7.000 bisitari berreskuratu ditu museoak. Iazko bilana egiterakoan, turismoarentzat ez ezik, Euskal Herri mailako bisitarientzako ere erreferentziazko gunea dela agerian geratu da. Izan ere, Irugurutzetako labeetara bisitarien kopurua %207 emendatu da, Ama Xantalen nekropolira %104, eta museoari dagokionez ere %76 egin du gora bisitarien kopuruak.

Urte berriarekin, aldiz, oraindik ere ‘Adrianoren Harresia’ izeneko erakusketa bisita daiteke hilabete bukaera arte. Eta urtarrilaren 11n ‘Done Jakue Bidea’ hizpide duen historia eta arkeologia ikastaroetan izena emateko epea zabaldu berri dute.Otsailetik maiatzara eskainiko dute eta izena emateko edo informatzeko 943 63 93 53 telefonora deitu besterik ez da egin behar.

 

Azken berriak

Mugazgaindiko harremanak estutzen jarraitzeko, lemixiko partaidetzazko aurrekontuak

Bidasoaz gaindi lekukoa elkarri emateko deia luzatu dute Korrikaren bueltan

Erosketa bonoen ekimenak irundarren 1,5 milioi euro mobilizatu eta Irunen geratzea ahalbidetu du

Epailearen esanak beteko ditu Irungo Udalak, Sohaibo Billa identifikatu gabe Blaian lurperatzea aginduko balu ere

Irungo emakumeen erdiak jasan du inoiz biolentzia matxista

Aldundiak Jaizkibel mendiko ondare arkeologikoa eta naturala noraino kaltetu dituen baloratzeko eskatu du Abotsanitzek



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika