Podcast

Pandemiaren murrizketak atzean utzita, 320 plaza eskainiko ditu Udalak aurtengo udaleku irekietan

Maria Serrano, Gazteria zinegotzia


Pandemiaren murrizketak atzean utzita, 320 plaza eskainiko ditu Udalak aurtengo udaleku irekietan

Hondarribiko Udalak apirilaren 4an zabalduko du udaleku irekietan izena emateko epea. Hilabete bukaeran zozketa egingo dute. Baina aurten pandemiaren murrizketak atzean utzita ohiko plaza kopuruetara itzuliko da eskaintza. Guztira 320 hondarribiar haur eta gaztek izango dute parte hartzeko aukera.

Gazteria departamentuak antolatuta, aurtengo uztailean Uda Jolas eta Uda Abenturan bueltan izango ditugu. Izenemateak apirilaren 4tik 10era egin beharko dira.

Maria Serranok, Gazteria zinegotziak azaldu digunez, Uda Jolas programaren kasuan, 220 plaza izango dira aukeran 5 eta 11 urte bitartekoentzat, eta txanda bakarra izango da, uztailaren 4tik 29ra 9:30etatik 13:30eta. Aurten familien eskaerari egokitzeko ordu erdiz luzatu dute eguerdian. Talaia Bordari LH zentroan egingo dira, nahiz eta kanpoan jarduera anitz egingo dituzten.

Bestalde, 12 eta 14 urteko gazteei zuzendutako Uda Abenturaren kasuan, 50 plazako bi txanda antolatuko dituzte, (uztailaren 1etik 14ra eta 15etik 29ra) goiz eta arratsaldeko jarduerak proposatuz.

Aurtengoan gainera, izen-ematea online egin daiteke osoki, hondarribia.eus Udalaren webgunean. Bertan topatuko dituzue xehetasun guziak.

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika