Hendaia Euskaraz hilabeteko programazioa kari, Musik’haria taldeak ‘PAPOGORRI’ izeneko ikusgarria eskainiko du Hendaian, Mendizolan kulturgunean igande honetan. Bi emanaldi izanen dira: lehena goizeko 11etan eta bigarrena arratsaldeko 17etan.

Joan den abenduan estreinatu zuten obra, 2022an zehar Donibane Lohitzunen, Hendaiako Mendi Zolan kulturgunean eta Luhusoko Arrixuri gelan sorkuntza prozesua burutu ondotik. Eta Herri Elkargoaren eskutik Maulen, Azkainen eta Luhuson ibili dira taularatzen. Aurten, aldiz, agenda aberatsa dute aurretik, eta Hendaiako izanen da hurrengo hitzordua. Hala sortu zen lekura itzuliko da egindako lanaren emaitza.

Papogorriren abenturak jakin etxetik ere segitzen ahal dituzuela, ikuskizunaz gain PAPOGORRI liburua ere plazaratu baitute Atlantica argitaletxearekin.