Podcast

Sarrionandiarekin solasaldia antolatu du Hendaiako Baleak elkarteak ostegun hontan

Mikel Asurmendi, Baleak elkarteko solasaldiko bideratzailea


Sarrionandiarekin solasaldia antolatu du Hendaiako Baleak elkarteak ostegun hontan

Baleakeko Solasaldien hurrengo hitzorduaren aiduru dago jende asko. Ikasturte honetan hainbat idazle eta aditu gonbidatu ondoan, Hendaiako elkarte honek Joseba Sarrionandia, 'Habanako Gaukaria' gonbidatu baitu ekainaren 2an, Kuban idatziriko trilogiaz mintzo. Berak eskatu bezala, galdera-erantzun formatoan, solasaldi libre bat goxoan partekatzeko aukera izango da Joseba Sarrionandiarekin.

Mikel Asurmendik bideratuko du solasaldia. Eta iragarri duenez, Sarrionandiak bere burua publiko agertu zuenetik idatziriko trilogiaz mintzatuko da. Kuban idaitziriko 'Bizitzea ez al da oso arriskutsua', 'Airea ez da debalde' eta 'Gauzak direna balira'. Asurmendik berak Joseba jomuga duen 'Kalaportutik Iurretara' entsegu liburua hartuko du aitzaki, Sarrionandiaren figura hobe ezagutarazteko. "Euskal filologo, poeta, filosofo ere bada Joseba, eta jendearekin gogoetarako tartea izango da solasaldian", iragarri du Baleak elkarteko kideak.

Hitzordua ostegun honetan 19:00etan Hendaiako Baleak elkartearen egoitzan izanen da, hirierdiko Ereinotz kalean.

Bestalde, Pamiela argitaletxeak jakinarazi du Joseba Sarrionandiak ostiralean Bilboko Liburu Azokan aurkeztuko duela bere azken lana "Munduari bira eman zion ontzia", baina larunbatean Ziburuko Euskal eta Liburu Diska Azokan egongo zela iragarri bazuten ere, momentuz, ezin dute bere presentzia segurtatu. Halere, 30 idazle eta sortzaile izanen dira Ziburun larunbatean, goiz eta arratsalde, euren lanak sinatzen.

 

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika