Podcast

Txanogorritxo ahaldunduz gogoetarako zikloa antolatu du Hondarribiko Udal Liburutegiak

Kote Gebara, Hondarribiko Udal Liburutegiko zuzendaria


Txanogorritxo ahaldunduz gogoetarako zikloa antolatu du Hondarribiko Udal Liburutegiak

Ipuin klasikoen artean klasikoenetako bat dugu Txanogorritxoren istorioa. Aldiz, ikuspegi askotatik aztertu daitekeela sinetsita, Hondarribiko Zuloaga Etxean urte amaiera bitartean ‘Txanogorritxoren lau aurpegiak’ ekimena antolatu dute. 

Aurretik ere Moby Dick eta Frankestein bezalako eleberri klasikoen inguruan ere antolatu dituzte halako zikloak. Eta eredu horri jarraituz, oraingo honetan, hitzaldi, ipuin kontalari, tailer, antzerki, zinema eta mahainguruen bitartez, ipuin klasikoaren bertsio desberdinak aztertuko dituzte. Kote Gebara, liburutegiko zuzendariak aipatu digunez, "bertsio asko daude, inbentario egin genuela ohartu ginen adaptazio pilo bat daudela". Horren bueltan antolatu dute zikloa pertsonai honen digura deseraiki, eta egungo ikuspegitik eguneratzeko. "Feminismoa, basoa, zahartzaroa... alderdi askotatik landu daiteke", dio Gebarak, "normalean ipuin klasikoen Disneyk egindako bertsioa dugu gogoan, baina berez ipuin klasikoak ongi aztertuta, istorio nahiko gordinak kontatzen dituztela ohartzen zara".

Zuloaga Etxea ipuin klasiko honen aitzakiarekin apaindu dute, eta abendura bitartean, Judas Arrieta artistak egindako photocall bat, erakusketa eta bertsio deberdinen bilduma oparoa eskaintzen dute liburutegiaren atarian.

Azken berriak

Txingudiko Badia dragatuko dute Hendaian, Bidasoak aspaldiko urteetan metatutako loietaz libratzeko

Euskaraldia hedatzeko auzoetara luzatuko dute deia Hondarribian

Balazta: "Egungo gynkanari azpiegitura egokiek leku emango diotenean, jendeak bizikleta erabiliko du"

Hirigunetik urrun bizi diren adineko hondarribitarrentzako Bidez Bide zerbitzua berriz ere martxan da

Larreaundi-Olaberriako auzo bizi-giroa indartzeko eginahaletan

HAPOa onartu arte baserritarrek aroaren baitan jarraitu beharko dute azoka egunetan



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika