Podcast

Udalak emandako eraikuntza baimena legezkoa ez zela epaituta, ardurak xuritzea eskatu du Abotsanitzek

Igor Enparan, Abotsanitzeko bozeramailea


Udalak emandako eraikuntza baimena legezkoa ez zela epaituta, ardurak xuritzea eskatu du Abotsanitzek

Abotsanitzek 2018an ohartarazi zuen Gabarrari eremua itsas jarduera ekonomikoetarako bideratutako lurrak zirela, eta ezin zela tanatorio bat bertan ezarri. Baina erreparo legal guztiak gaindituta, Hondarribiko Udalak Inmorekalde 21 S.L. enpresari obra-lizentzia ematea erabaki zuen.

Aldiz, joan den martxoaren 22ko epaian, Euskal Autonomia Erkidegoko Auzitegi Nagusiak Abotsanitzek ohartarazitako arriskuak berretsi ditu. Eraikuntza lanak behin bukatuta daudela, baina jarduera ekonomikoa ez dela martxan, Gabarrari kaleko 1 zenbakiko beilatokia eraikitzeko lizentzia zuzenbidearekin bat ez datorrela adierazi du epaileak, partikular batek Donostiako Administrazioarekiko Auzien Epaitegian jarritako demandari erantzunez. "Auzitegiek berriro koloreak atera dizkiote Hondarribiko Udalari" leporatzen dio Abotsanitzek udal gobernuari, zeinek uneoro defendatu duen baimenaren legezkotasuna.

Kalteordainak nork ordainduko

Horren arabera, enpresak ezingo du eraikina egindako helburuetarako erabili, eta argitzeko dago oraindik, eraikina eraitsi beharko ote den ala ez. Baina Abotsanitzen ustetan, agerikoa da enpresak kalteordainak galdegingo dituela, eta beraz, oposiozioko talde nagusiak eskatzen du ez dadila Hondarribia izan epai honen ondorioen erantzule, baizik eta erabaki okerra hartu zuten agintariak arduratu daitezela epai honen ondorioez. "Erabakia hartu duten agintariek pertsonalki ordaindu dezatela" aldarrikatu du Igor Enparan bozeramaleak, "hau gerta zitekeela jakinaren gainean hartutako erabakia da, eta ez litzake zilegia orain herriak (udalak) ordaindu behar izatea erabaki oker horren ondorioak".

 

Azken berriak

Presondegi barruko doinua hitzez biltzen dituen "Musikartzela"

Alardean aldaketarako urratsak emateko "ausardia" euki dezala eskatu dio Irungo EH Bilduk alkateari

Irungo udal gobernukide batek emango dio hiriko bandera Alarde Publikoari aurreneko aldiz historian

Melillako hesian izandako sarraskia salatzeko elgarretaratzea deitu du Harrera Sareak Irunen

Arma Plaza Fundazioa: 10 urte herriko ondarea balioan jartzen

Borrokan jarraituko dute garbitzaileek, udalbatzan hitza hartu eta arreta piztu ondoren ere



Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika