Podcast

"Emakume migratzaile(AK) artean" izeneko erakusketa aurkeztuko du heldu den ostiralean Parean talde feministak Irunen (2020-01-13 12:24:02)

"Emakume migratzaile(AK) artean" izeneko erakusketa aurkeztuko du heldu den ostiralean Parean talde feministak Irunen

Baina ostegunaz geroztik ikusgai izango da erakusketa Palmera-Montero gunean. 8 emakume irundarren istorioen erretratua egin dute, haiek elkarrizketatuz, eta Bostok-eko Gari Garaialderen argazkien eta Irunabar bertsoaren bilguneko kideen bertsoekin jantzi dituzte migrazio istorio horiek.

Migrazio prozesuak gogorrak izanik, inork ez du bere jaioterria uzten halabeharrez ez bada. Eta emakume eta etorkin izateak ekarri dizkien zailtasunak aztertu nahi izan ditu Parean elkarteak.

Miren Lantzek espikatu digunez, helburua ez zen erakusketa baten antolatzea. 2020ean atzerrira joan izan diren irundarren istorioekin segida izango duen proiektu orokorrago baten baitan, honen gizarteratzeko euskarri bat baino ez da izango.

8 emakume, lau 60. hamarkada Espainiar estatutik Irun hirira iritsitakoak, eta beste lauak 2000. urtetik aurrera Hego Amerika eta Afrikatik iritsitakoen istorioak ditu hizpide proiektuak.

Erakusketa ostegun hontatik urtarrilaren 30a bitartean ikusgai egongo da Palmera Montero gunean, eta ostiralean aurkezpen ekitaldia egingo dute 19:00retan, 8 emakume protagonistak han izango direlarik. Halako proiektu batean ikusmiran daudelako urduri daudela aitortu digute Parean elkartetik.

Irunabar-eko bertsolariak ere present izango dira ostiraleko aurkezpen ekitaldian, eta bertso eta irudien aldizkari bat ere plazaratu dute, proiektuaren berri ematen duena.

Miren Lanz Solbes bertako kidearekin hitz egin dugu

 

Azken berriak

Migranteak errezibitzeko Kontigentzia Plana ekainean berriz aktibatzeko prest legoke Eusko Jaurlaritza

Irungo EH Bilduk udako haurren oporretan kontziliazioa ahalbidetzeko laguntzak eskatu ditu

'Hondarribia Zu Zara' kanpaina abian da, herritar orok bere hondar alea jartzen jarrai dezan

Biriatuko herria elikaduran burujabe izan dadin aurreikusten du herriko Segurtasun Plan berriak

Herria biziberritzeko egitasmoak aurkeztu dituzte Biriatun

Hondarribiko Udal Liburutegia agenda kulturala dinamizatu nahian dabil.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika