Antxeta Irratia zuzenean
Biharko Hondarribia-Amaiur senidetze ekitaldia, Bidasoa-Baztan arteko harremanak sendotzeko mugarria izango da
api 26, 15:09 Hondarribia
Larunbateko ekitaldia prestatzen ari zirela hurbildu gara Hondarribira, bihar Amaiur eta Baztango agintariei harrera egin eta senidetzea ospatuko baitute udaletxean. Baina herriak dituen nafar sustraiak aldarrikatzeko deia egin diete hondarribitarrei ere, 12:30ean Arma Plazan, ezpata dantza, txistulari eta herri bietako 130 abesbatzakide bilduko baitira. Ortzi Alonso zinegotziak dioenez, «senidetzea ez delako helmuga, zerbaiten abiapuntu baizik».
Abadia jauregiak bisitari kopuru marka historikoa lortu zuen iaz
api 26, 16:01 Hendaia
Martxan jarri berri duten 'Oroitzapenen Hiria' egitasmoa kapitalizatzen hasi dira Hendaian. Udatiarren hondartza goseaz haratago, turismo kulturala sustatu eta herriko ondare historikoak balioan jartzeko helburua dute 2023-2027 urtealdian. Eta iaz %11 bisitari gehiagorekin, 67.000 bisitarien langa gainditu dute, pandemia aurreko datuak ia bikoiztuz.
