Nerabeen «heldutasun kognitibo» eskaxa kontuan hartuta, «menpekotasuna» sortzen duten sakeleko telefonoen erabilera goiztiarra Hondarribian atzeratzeko lanean ari da Gotti Burua elkartea. Herriko hiru eskoletako hainbat gurasok bat egin dute, formakuntza eta ekintza zehatzak proposatuz, denon ahotan den arazoari limiteak ezarri eta neurria hartu nahian.

Irizpide horri jarraiki, Hondarribiak orain arte zituen gabeziak estaltzeko lanean ari direla dio Gizarte Kohesiorako zinegotziak. Lanean hasi berri den Berdintasun teknikaria lorpen gisa ikusten badu ere, sozial arloan Eguneko Arreta Unitatea sortu edota babesgabetasun egoeran dauden adin txikikoak ere babestu nahi ditu udalak.