Udal langileen soldatek eta garbiketa, etxez etxeko laguntza, argindarra, garraio publikoa edota berdeguneen zaintza bezalako oinarrizko zerbitzuek 65 milioi euroko gastua suposatuko dute 2027an. Inoizko udal aurrekontu proiekturik handiena aurkeztu du PSE-EAJ gobernu koalizioak, iazkoa baino %0,46 gehiagokoa. Nuria Alzaga Ogasun udal ordezkariak aditzera eman duenez, Europako Next dirulaguntzak amaitu badira ere, zerga bilketa uste baino hobe joan da. Eta Irungo Udalaren egoera ekonomikoa «oso osasuntsua» da, udalak zuen zorra minimo historikoetan aurkitzen baita. Inbertsio nagusiak kirol instalazioetan eta garraio publikoan egingo dituzte.

Garraio publikoa herritarron eguneroko bizitzan ezinbesteko zerbitzua da. Hala ere, Bidasoa eta inguruko eskualdeetan gabezia ugari daude oraindik. Egoera horren aurrean, gazteek garraio publiko duinagoa eta eraginkorragoa aldarrikatu dute. Horretarako, Ernai gazte antolakundeak elkarretaratzea egin zuen ostiralean Irunen. Bertan, eskualdeko garraio publikoaren egoera salatu eta hainbat neurri eskatu zituzten.