EAJ izan da lehen indarra Irunen eta Hondarribian Eusko Legebiltzarrerako hauteskundetan, baina EH Bildu izan da bozka gehien irabazi duen indar politikoa bi herrietan. Irunen bigarren indarra bilakatu da PSE-EEri aurrea hartuta. Koalizio abertzaleak 3.187 bozka gehiago lortu ditu Irun-Hondarribian 2020ean baino. Sozialistek 1.234 gehiago eta jeltzaleek 645 batu ditu lehen indarra izaten jarraitzeko. Elkarrekin Podemos, aldiz, amildu egin da.

Mendeluko marea-bizien arazoak orain «eztanda» egin badu, hauteskunde kanpainak bere pisua izan duela uste du Abotsanitzek. Estitxu Urtizberea Hirigintza arloko ordezkari eta alkateordeak gaurko Goizeko Kafean gonbidatu izan dugu, eta Udal Gobernuan direnetik, abuztuan hasi eta orain artean bost uholde eman direla auzoan, eta arazoa kudeatzen eta Mendelu auzo elkartearen bitartez bideratzen ari direla argitu du.