Haurren arteko aisialdian eta familia giroan euskararen erabilera bultzatu eta inertziak apurtzeko FamiliaOLA eta Haurrak Parkean programetako hamaika hitzordu antolatu dituzte Irunen maiatzerako. Atzerritik iritsitako haurrek eskolan ikasitako euskara gal ez dezaten, aldiz, UdaGiro proposatzen dute Herri Jakintza euskaltegiarekin batera.  

2023-2027 urtealdirako Ekintza Plana aurkeztu du udalak. Orotara 44 neurri adostu dituzte, azaroaz geroztik hirutan bildu den Hausnarketa Batzordean parte hartutako herriko eragileekin batera. «Hondarribia erdara nagusi duen herria» da, baina gobernantza parte-hartzailean oinarrituz, maiatzean aktibatuko duten Euskara Mahaian «denen artean egoera errotik aldatzeko» erronka onartu dute.