Antxeta Irratia zuzenean
Irunbuseko gidariek «35 orduko lanaldia eta beldurrik gabe» gidatu ahal izatea eskatu dute lehen greba egunean
mai 13, 15:12 Irun
Maiatzan deitu dituzten lau greba egunetako aurrenekoak «erabateko jarraipena» izan du ELA eta UGT sindikatuen arabera. Asteazkenean AUIFeko zuzendaritzarekin negoziatzeko bilera dute, baina akordiorik lortu ezean maiatzaren 20ko greba mantenduko dute. Eta hilaren 27 eta 31koaren ondotik ere, Irungo Udalak udalbatzan onartu nahi dituen kontratu berriaren plieguetan beren eskaerak aintzat hartuko ez baditu, ekainan jarraituko dute.
Haririk gabeko bozagoragailu berriak ditu Hendaiako hondartzak
mai 13, 15:19 Hendaia
Akitaniako lehenbiziko hondartza da berrikuntza hau instalatzen, eta Zokoburutik Dunbarrietara dauden hiru kilometro luze hondartzan zehar 8 mastan gainean ezarri dituzte. Sorosleen lanak arindu eta zaintza lanak indartzeko aukera emateaz gain, abisuak bainuzale guztiek entzuteko moduko sistema dela azpimarratu dute.
